Umac halvası

Hazırlanması

1. 0,5 l su ən əvvəl pesokla suyu şirə üçün qaynatmaq lazımdır.
2. Sonra isə ələnmiş una duzu əlavə edib asta-asta suyu unun üstünə səpə-səpə, əllə ovuşduraraq, umac hazırlanır.
3. Hazırlanmış umac aşsüzəndən əllə sürtərək keçirtmək lazımdır. Aşsüzəndən keçən umacı ələmək, ələnmiş umacı 20 dəqiqə qurutmaq lazımdır.
4. Ələnmiş umacdan bir boşqab un çıxmalıdır. İsinmiş yağa qurumuş umacı töküb qovurmağa başlanmalıdır.
5. Qaşıqla yumurlanmasın deyə umacı əzə-əzə qarışdırmaq lazımdır.
6. Qızılı rəngə çatanda umaca unu əlavə edib, yenidən qovurmaq lazımdır. Şirənin əlavə olunmasının dəqiq vaxtını bilmək üçün umacdan 1 qaşıq şirənin üstünə tökmək lazımdır.
7. Həmin an umac cızz edib qaynayarsa, demək şirəni tökmək olar.
8. Şirəni yaxşı-yaxşı qarışdırıb nimçələrə çəkirik.