Pasta Fagioli

Pasta Fagioli

Pasta Fagioli

Ərzaqlar

  • 3 x.q. bitki yağı
  • 1 iri baş soğan
  • 1 bolqar bibəri
  • 4 dilim bekon (yaxud toyuq əti və ya yağsız kolbasa)
  • 1 budaq rozmarin
  • 2 budaq təzə kəklikotu
  • 2 x.q. oreqano qurusu
  • 3 diş sarımsa
  • duz
  • istiot
  • 400 q öz suyunda pomidor konservi (1 banka)
  • 230 q ağ lobya konservi (1 banka)
  • 800 q toyuq bulyonu
  • 100 q xırda makaron (istənilən formada)
  • 30 q parmezan pendiri
  • 4 x.q. doğranmış təzə cəfəri 

Hazırlanması

  1. Qalın dibli qazanda yağı qızdırın, xırda doğranmış soğanı və rozmarinlə kəklikotu budaqlarını burada qovurun.
  2. Xırda doğranmış sarımsaqla qırmızı bibəri də əlavə edin. 5 dəqiqə qovurun.
  3. Rozmarinlə kəklikotu budaqlarını çıxarın. İstəyə görə bekon, yaxud toyuq ətini əlavə edin (tamamilə ətsiz də bişirə bilərsiniz).
  4. Qarışdıraraq 5 dəqiqə qovurun, pomidorları əlavə edin, qaşıqla elə tavadaca xırdalaya bilərsiniz.
  5. Vam odda 10 dəqiqə bişirəndən sonra bulyonu əlavə edin.
  6. Qaynara düşəndən sonra oreqano qurusunu və suyu süzülmüş lobyanı əlavə edin (toyuq ətindən istifadə edəcəksinizsə, şorbanı daha çox qaynadın ki, ət tam bişsin, lobyanı sonra əlavə edin). 5 dəqiqə də bişirin.
  7. Şorbadan bir çömçə (tərəvəzlə lobyanın qarışığını) götürüb blender və ya mikserdə xırdalayın, yenidən qazana tökün. Duz, istiot vurun. Şorba çox qatı alınırsa, azca su və ya bulyon tökün, makaronu əlavə edin.
  8. Hərdən-bir qarışdıraraq 4-6 dəqiqə bişirin. Ocaqdan götürün. Cəfəri və parmezan pendiri əlavə edin. İsti-isti boşqablara çəkin. İstəyə görə boşqablara bir qədər də parmezan və zeytun yağı əlavə edə bilərsiniz.

Haqqında: İtalyan mətbəxində pasta  fagioli-nin minlərlə hazırlanma qaydası var. Ya da belə demək mümkündürsə, nə qədər italyan ailəsi varsa, bir o qədər də pasta facoli resepti var..Nuş olsun!

 

Xahiş edirik bu resepti şərh edin. Şərhləriniz bizim üçün çox əhəmiyyətlidir.

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

 
 
 
 
Content Protection by DMCA.com ILK-10