Ananaslı panço tortu

Ananaslı panço tortu

Ərzaqlar

  • 1,5 su stəkanı şəkər

     

  • 6 yumurta

     

  • 1,5 su stəkanı un

     

  • 1,5 çay q. qabartma tozu

     

  • 4 xörək q. kakao

     

  • Krem üçün:

     

  • 800 qram 35%-li xama

     

  • 1 banka konservləşdirilmiş ananas

     

  • 1,5 su stəkanı şəkər tozu

     

  • 1 stəkan qoz

     

  • Üzərinə:

     

  • 100 qram şokolad

Hazırlanması

  1. Biskviti hazırlamaq üçün  əvvəlcə yumurtanı və şəkəri mikserlə çalın.
  2. Qabartma tozunu una qatıb üzərinə əlavə edin.
  3. Xəmiri iki hissəyə bölün.
  4. Bir hissəsinə kakao qatın.
  5. Soba qabına yağlı kağız qoyun.
  6. Keks xəmirini əvvəlcədən isidilmiş 180 dərəcəli sobada 30- 35 dəqiqə bişirin.

     

  7. Kremi hazırlamaq üçün xamanı şəkər tozu ilə çalın və 1/4 hissəsini kənara qoyun.
  8. Ayırdığınız kremin çox hissəsinə ananas dilimlərini qatın.
  9. Qozu orta ölçüdə doğrayın və ananasli kremin üzərinə əlavə edin.
  10. Ağ biskviti bir qaba qoyub üzərinə ananas şirəsini hopdurun.
  11. Kakolu biskviti balaca kvadrat formasında kəsin.
  12. Üzərinə ananas şirəsi əlavə edin və ananasli xamalı kremlə yaxşı qarışdırın.
  13. Alınmış bu kütləni dağ formasında ağ biskvitin üstünə qoyun.
  14. Tortun üstünə ayırdığınız xamalı kremi əlavə edin.

     

  15. Ərinmiş şokoladı tortun üzərinə elə tökün ki, hər tərəfinə yayılsın və sonra soyuducuda 6 saat saxlayın.

     

  16. Soyuduqdan sonra ananaslı panço tortu servisə hazırdır.

Nuş olsun!

Ananaslı panço tortu ananas sevənlər üçün fürsətdir.

 

 

Xahiş edirik bu resepti şərh edin. Şərhləriniz bizim üçün çox əhəmiyyətlidir.

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

 
 
 
 
Content Protection by DMCA.com ILK-10